عرابي
المحتويات
عملتلك عشا.. غير هدومك عشان ناكل سوا.
مالك كلت في الشغل.. اتعشي أنتي.. تصبحي علي خير.
ليلي بحزن و أنت من أهل الخير ي مالك..
لمېت السفرة وقفلت نور البيت و دخلت لأوضتي.. كان نايم و رايح في النوم.. لمېت شعري ومسكت تليفوني قلبت فيه شوية عشان أشغل نفسي عن الزعل عشان معيطش..
شديت الغطا و نمت في زواية بعيد عنه عشان إحساس اني مفروضه عليه بيطاردني لمجرد اني اقرب منه.
بقيت أحس اني عايشة في البيت دا لوحدي..
عمري ما مليت و لا زهقت.. دايما اجهز الأكل وأروق البيت و أعطره و ألبس أحسن ما عندي و استناه..
ليلي يومك كان عامل ازاي!
مالك مضغوط..
ليلي ربنا يقويك.. جهزت العشا.. غير هدومك عشان ناكل سوا..
ليلي بحزن عشان الشركه بتخلص الساعه 4 و انت بترجع 11 ي مالك قولت يمكن جوعت..عمتا تصبح علي خير..
أخدت الأطباق و دخلتها جوا و مشيت من قدامه. سمعت صوته و هو بيدخل الأوضة و قفل الباب وراه بقوة..
خرجت قفلت نور البيت و دخلت اوضة الأطفال و نمت..
صحيت تاني يوم حضرتك الفطار و جهزته علي السفرة و قعدت مستنياه و انا ايدي علي خدي.. خرج بعد شوية و عمل سندوتش كالعاده..
ليلي عاوزة أطلب منك طلب ي مالك.
مالك الفلوس جوا في الدرج خدي اللي انتي عاوزاه..
ليلي لا أنا مش عاوزة فلوس.
ليلي عاوزة أتطلق.
مالك اي!
ليلي طلقني ي مالك.
مالك.........
ليلي ساكت ليه! أعتقد أنك عاوز كدا..
شهرين ي مالك و أنا عايشه هنا زي الضيفه و انت مش موجود.. بشوفك دقيقتين الصبح و دقيقتين لما بتيجي و طبعا بمزاجك مش ڠصب عنك.
وانا عملت كل حاجه اقدر أقدمها لحياتنا سوا بس أنت مش شايفني أصلا..
مالك أنا مختارتش الجوازة دي ي ليلي..ابويا و ابوكي هما اللي أختاروها.. تفتكري بقي أنا هينفع أطلق بنت عمي بعد شهرين جواز!
ليلي بمعني!
مالك بمعني ان مفيش طلاق ي ليلي..
ليلي بس دي مش عيشه!
مالك أستحملي زي م انا مستحمل.
مالك مهو ي بنتي لنفس السبب.. اه ي ليلي الجوازة ڠصب عني و عنك وانا مش قادر اتقبلها و دا مش عيب فيكي ولا حاجه بس انا مش قادر أدي فرصه زيك..
مش عارف اعمل اي!
ليلي طيب أنا ذنبي اي! حاول تفهمني شوية ي مالك انا بدأت أكره نفسي..
طيب بص حتي لو مش هيحصل طلاق أنا هروح بيت أهلي و أقعد هناك و شوية كدا و نبقي نطلق..
مالك هنرجع لنقطه الصفر و الزفت عماد هيستني طلاقك مني و ېهدد ابوكي بالفلوس عشان يتجوزك و أحنا ما صدقنا حليناها ودي..
اسمعي.. الحياة بينا مفيش منها أمل بس نستحمل شوية و بعدين لما نسد الدين تبقي تطلقي..
ليلي تمام ي مالك.
خرج و سابني لوحدي.. انا اللي غبية و أنا اللي عملت كدا في نفسي و أختارت لنفسي أني احبه و أرضي بكل اللي حصل و ي ريتني ما حبيته..
مكنتش أعرف أنه جوازنا بالنسبه ليه كارثه اوي كدا.. كنت فاكره هيعتبرها جوازة مدبرة زي كتير من الجوازات في
متابعة القراءة
