مصېبة يا فريده

نهارك أسود عملتي إيه في عربيتي!!
على فكرة بقى أنت إلي الغلطان.
وحياة أم ..
لو كملتها هتلاقي كف خماسي نازل على خدك
أنت بتعملي الهيصة دي كلها علشان مخدش بالي إنك خبطي عربيتي مش كدا
ليه هو أنا إلي كنت بتكلم في التليفون
إممم طب بصي يا بنت الناس هتنازل ومش هخليك تصلحي العربية بس تعتذريلي حالا.
أنا مش عارفه أنا عملت إيه في حياتي علشان كل يوم حد يعكر مزاجي على الصبح! 

قولت كدا في سري بعد ما لافيت علشان أمشي هو أهبل قال أعتذرله ق .. 
 ٱ.. أنا مكنتش أقصد ٱ. أنا بس ك .. كنت عايزك تتأسفي
وأنا مبتتأسفش غير لما أكون غلطانة وأنا مش غلطانة.
هتعملي نفسك جامدة بقى وكدا
تؤتؤ أنا جامدة فعلا.
إممم طيب مش هتمشي من هنا غير لما تتأسفي.
أنت عندك خال أهبل
نعم!
طب عندك عمة سمينة
أنت بتقولي إيه!!
معقول يكون عندك إعاقة ذهنية
عارفة لو محترمتيش نفسك هعمل إيه
ربعت إيدي
إيه
هف .. 
قطع كلاموا تليفون جالو لاقيتوا إتعصب جامد وركب عربيته بسرعة!
مشغلتش تفكيري وركبت أنا كمان عربيتي علشان تقريبا كدا والله أعلم إتأخرت!
وصلت الشركة وكالعادة شوفت نظرات الإحترام من الموظفين فضلت 3 سنين عقبال ما وصلت ل إلي أنا عايزاه شركتي بقت من أهم الشركات في الوطن العربي والنظرات إلي بشوفها في عيون موظفيني دي أهم حاجه حققتها ودا لإني عمري ما أعتبرتهم مجرد موظفين وخلاص أنا دايما بعتبرهم أهلي علشان معنديش أهل! 
ماما وبابا ماتوا في حاډث سير ومعنديش أخوات ومن ساعتها وأنا وحيدة ف قررت إني أعمل شركة خطوة كانت صعبة جدا بس الحمد لله قدرت وفخورة بنفسي.
دخلت المكتب ومجرد ما قعدت لاقيت السكرتير داخل.!
خير يا محمد في إيه
الرائد أدهم لسه حاجز معاد مع حضرتك بيقول إنه موضوع مهم ومش هينفع التأخير فيه ف حجزت كمان نص ساعة قبل الإجتماع يعني
ليه في إيه في مشاكل في الشركة مثلا
مش عارف والله بس خلاص أقل من نص الساعة وهتلاقيه
تمام يا محمد هاتلي القهوة بعد إذنك
تمام.
طلع يجيب القهوة وأنا فضلت أفكر في أدهم جاي ليه معقول يكون في مشاكل في الشركة ثواني ما دي شركتي يعني لو في مشاكل أنا أول واحدة هعرف!!!
فجأة إفتكرت الشخص إلي خبطه بالعربية يا ترى إيه إلي حصل خلاه إتعصب كدا دا حتى مشي من غير ما يقول حاجه! 
قطع تفكيري صوت الباب وهو بيخبط..
إدخل
القهوة يا بشمهندسة
شكرا يا محمد
العفو تحبي حاجه تاني
لأ تسلم.
بعد إذنك.
طلع برا وأنا رجعت أفكر فيه تاني معقول يكون عنده مشكلة بس مادام إتعصب كدا يبقى أكيد! طب يا ترى إيه هي في شغله ولا عيلته ولا مثلا يكون حد تعبان
ل تاني مرة يقطعوا تفكيري والباب يخبط
إدخل!!
الرائد أدهم برا
دخلوا
تمام
دخل بطلته المبهرة كالعادة يمكن مليش في جو البنات والكلام
دا بس حقيقي أدهم دايما بيبهرني ب شياكته!
عاملة إيه
بخير الحمدلله وأنت
بخير طول ما أنت بخير.!
ٱ.. خير كان في حاجه محمد قالي إنها حاجه مهمة ومينف ...
إديني فرصة أتكلم يا بنتي!
أهو إتكلم!
كنت عايز أشوفك!
نعم!
إهدي كدا أنا بقالي كتير مشوفتكيش وكل ما أجيلك البيت متكونيش موجودة!
طب في حاجه يعني يعني مثل ..
وحشتيني
ٱ .. ل لو سمحت إحترم نفسك والمكان إلي أنت في!
خلاص تيجي مكان تاني وأكلم براحتي
أدهم!!
عيونه والله
في اللحظة دي محمد أنقذني لما خبط ودخل قد إيه أنا بحبك يا محمد!!
خير يا محمد
في شركة عامله حفلة بمناسبة العقد إلي مضته معانا وطبعا إحنا معزومين ف أرد ب إيه حضرتك هتروحي
آه تمام قولهم ماشي
تمام هي بكرا الساعة 6