منال سالم الجزء الأول
المحتويات
دولي
وأضاف الشخص الأول قائلا
خصم مش سهل
رد عليهم محمد قائلا بزهو وتفاخر
دي حاجة بسيطة وبعدين أهي حاجة أشغل بيها وقتي
بعد ما طلعت على المعاش !
شعر مسعد بالضجر من ذلك الحديث الممل فنفخ بحذر ثم تنحنح بخشونة واستطرد قائلا بصوت خفيض وهو يشير بكفه
بابا أنا كنت جاي آآ....
قاطعه أبيه بصرامة
أصر مسعد قائلا
يا بابا مافيش وقت ده آآآ..
قاطعه والده مجددا ولكن ليوجه حديثه إلى رفاقه وهو يقول
عارفين يا جماعة مسعد ده بيفكرني بأخويا الكبير الله يرحمه
لوى مسعد ثغره بضيق واضح على تعابير وجهه وهمس بإمتعاض
آآخ ايوه هنبدأ التسييح وسرد الملحمة التاريخية !
تابع محمد قائلا بتباهي
قاطعه مسعد قائلا بحنق
كنا خسرنا سينا وضاعت كل حاجة ومخدناش اليوم أجازة عارف والله يا سيادة اللوا كمل الحكاية دي بعدين أنا هاسلم وآآ...
رمقه والده بنظرات حادة وقاطعه بنبرة جادة
يا بني اصبر خليني أكمل
الطيارة مش هاتستنى
انعقد ما بين حاجبي أبيه وسأله بإهتمام غريب
طيارة !
سعل بخفوت ثم رد عليه بتوتر قليل
قصدي المهمة عندي تدريبات وآآ.. وشوية آآ..
ثم رسم ابتسامة بلهاء على وجهه وغمز قائلا
ما تفكك يا باشا مني !
رد عليه محمد متفهما
ماشي يا سيادة الرائد لينا أعدة سوا
أكيد سلام
عنفه والده قائلا بجدية مبالغة
التحية العسكرية يا ولد
انتصب مسعد في وقفته وصاح بثبات
تمام يا فندم !!
في المطار
هبطت الطائرة على المدرج المخصص بها واستعد الجميع للنزول منها ..
تملك سابين الحماسة لرؤية ذلك البلد الذي ولد فيه أبيها
و ارتسم على شفتيها إبتسامة مشجعة ..
ولجت هي إلى القاعة الخاصة بإنهاء الإجراءات فوجدت الزحام بها شديدا ولمحت بعينيها لوحة معدنية تشير إلى المراحيض فغيرت وجهتها وسارت نحوها لتبدل ثيابها وترتدي ما يتناسب مع صورتها الموضوعة في جواز سفرها الأصلي ..
نفخ بضيق وهو يحاول إرخاء رابطة عنقه قليلا وتمتم بإنزعاج
خنقة من أولها
تذكر أنه نسي مراجعة تلك الورقة المطوية التي أعطاها له الفريق ضياء لذا بحث سريعا عنها في جيوبه وتملكه الخۏف وهو يهمس
لأحسن تكون ضاعت ! دي هاتبقى کاړثة !
حبس أنفاسه وهو يبحث عنها بتوتر حتى وجدها بداخل حافظة نقوده فتنفس الصعداء ..
زفر بصوت مسموع وهو يحدث نفسه بعتاب
مش تفتكر حطتها فين ياخي بدل حړقة الډم دي ! ده أنا أعصابي باظت من أولها كده !
تنفس بعمق ليضبط إنفعالاته من جديد .. ثم حدق في الورقة بنظرات مطولة ..
فرك ذقنه بحركة ثابتة وأردف قائلا بحيرة
طب دي أستهجى اسمها إزاي
ظل يحاول قراءة الاسم عدة مرات لكنه كان يفشل في تهجئته .. لذا فكر للحظات في الإستعانة بشخص ما ليساعده على ترجمة اسمها ولكن خشي من افتضاح المهمة فطرأ بباله أخته الصغرى إيناس وتذكر مدى براعتها في اللغة الإنجليزية فتهللت أساريره وصاح بحماس
هي مافيش غيرها الأروبة الأوزعة هاتجيب أرار المكتوب هنا !
وبالفعل أخرج هاتفه المحمول من جيب سترته وهاتف أخته التي أجابته بحدة
عاوز ايه يا مسعد مش كنت عاوج وشك عليا !
رد عليها بنبرة دبلوماسية زائفة
ده
انتي الحتة اللي في الشمال يا نوسة !
هتفت إيناس قائلة بعدم اقتناع
طالما قولت كده تبقى مزنوق في حاجة
حرك رأسه إيجابا وهو يرد عليها
ايوه ميزتك إنك فهماني !
سألته أخته بجدية
ها قول عاوز ايه !
أخذ نفسا عميقا وزفره مرة واحدة وهو يجيبها بهدوء
شوفي يا ستي أنا معايا كام كلمة مش عارف أترجمها فخدي ثواب في أخوكي وترجميهالي !
ردت عليها بنبرة عادية
ماشي اقراها !
هتف محتجا وهو يمرر أصابعه في شعر رأسه ليفركه
بأقولك مش عارف أقراها عشان أترجمها !
ردت عليه بصوت شبه آمر
طب اسبلهالي Spell it
سألها مندهشا مما قالته وقد رفع حاجبه للأعلى
آآ.. ايه ياختي !
أوضحت له قائلة
استهجى حروفها يعني
ماشي استني
أخذ مسعد نفسا عميقا وزفره ببطء وهو يحاول قراءة الحروف بهدوء حذر
بصي أول حرف إس S
ردت عليه بهدوء
ماشي اللي بعده
أضاف قائلا بعد لحظة بصوت شبه متلعثم
تاني حرف آه
سألته متعجبة مما قاله
آه ! انت في حاجة بټوجعك
برر لها قائلا بنفاذ صبر
يا بت الحرف بتاع الأبوول !
صححت له قائلة بتفاخر
اسمها آبل Apple يا مسعد
نفخ بضيق وهو يقول
عديها خدي الي بعدها ب .. آآ.. ب. آآ
سألته إيناس مستفهمة
تقصد بي P
رد عليها متسائلا بفضول
مش عارف بس هي هاتفرق معاكي
أجابته قائلة بجدية واضحة في نبرتها
طبعا في النطق هاتفرق
ممممم
ساد صمت لدقيقة كاملة حاول فيها مسعد محاولة نطق الحرف مع نفسه قبل أن يرد عليها ..
نفذ صبر إيناس فسألته بإستفهام في مرة واحدة
طب هي عاملة ازاي يعني B for book or P for Pen !!!!
لم يفهم كلمة واحدة مما قالته فهتف معترضا
بالراحة عليا يا إيناس وفهميني واحدة واحدة ! أنا مش ملاحق
سألته بهدوء
أوكي هي بي خفيفة ولا تقيلة
رد عليها بجدية
اللي فاكره إننا بنطلع فيها لسانا
هتفت مستنكرة وقد إرتفع صوتها في الهاتف
نعم مافيش بي بنطلع فيه لسانا
لا والله !
سألته مرة أخرى بهدوء حذر رغم ضيقها منه
طب العصاية فوق ولا تحت
سألها بعدم فهم وهو يحك مقدمة رأسه
عصاية مين
ردت عليه ساخرة من جهله
يالهوي يا مسعد ده انت واقع خالص !
ثم قهقهت بصوت مرتفع لتثير غيظه فانزعج من أسلوبها المتهكم منه وعنفها قائلا
اتلمي أحسنلك وبطلي تريقة بدل ما آآ...
قاطعته قائلة بغطرسة
انتي اللي عاوزني مش أنا !
هتف بها بصوت شبه غاضب
خلاص مش عاوز منك حاجة
ردت عليه بتعجب
ده انت اللي متصل !
تمتم مسعد مع نفسه بسخرية
تعويذة دي ولا اسم !
أدركت إيناس أنها تمادت في المزاح مع أخيها فإعتذرت له قائلة
خلاص يا مسعودي متزعلش ها قول اللي بعده !
نفخ بنفاذ صبر وهو يرد قائلا
انجزي وهامليكي الباقي وانتي جمعيها وقوليلي
لمع عقلها فجأة وقررت أن تستغل الفرصة وتحصل منه على مبلغ مالي لتشتري ما تحتاج إليه فهتفت بنزق
ماشي تدفع كام
رد عليها بإمتعاض
إيناس مش وقتك
بررت له موقفها قائلة بدلال
بصراحة يا مسعودي دي فرصتي ولازم أستغلها !
اغتاظ مسعد من استغلالها للموقف ولم يعد يتحمل المجادلة معها فصاح بغلظة
أنا غلطان إن عبرت واحدة زيك
ردت عليه قائلة بتحد
مضايق ليه مش قولتلك مسيرك تحتاجني وإنت طنشتني لما بأقولك تشيلني !
هتف قائلا بحنق
طيب خليكي فكراها وأهو مسير الموز يجيبك يا قرد !
صاحت فيه بنبرة
مغتاظة
أنا قرد يا مسعد
رد عليها ببرود متعمدا إستفزازها بعد أن أغاظته
لأ نسناس غوري شوفي مذاكرتك يا فقر !!
توعدت له قائلة پغضب
والله يا مسعد ل.. آآآآ...
لم يصغ إلى صياحها الهائج وټهديدها له بل أغلق الهاتف في وجهها وحاول أن يترجم هو اسمها بمجهوده الشخصي دون اللجوء لأي مساعدة ...
بحث بداخل تابلوه سيارته عن ورقة فارغة ليدون فيها اسمها ..
وبالفعل عاود تكرار المحاولة وبدأ في تهجئة اسمها ببطء
ص.. س.. آآ.. لأ هو صاد طيب اللي بعدها آه يعني صا.. !
تحمس بعد نجاحه في قراءة أول حرفين وهتف بإعجاب
والله أنا أنفع بس أركز .. استعنى على الشقا بالله !
تابع المحاولة وأكمل القراءة بصعوبة واضحة
ب.. ب.. طب نلزق البه في الصا .. تبقى صاب .. صابآآ..
هتف بعدم تصديق دون أن يكمل القراءة للنهاية
صابرين طلع اسمك صابرين !!
ضړب بيده المقود وأكمل متباهيا بصياح
يااااه ! ده أنا طلع عين أم في فك طلاسم اسمك وفي الأخر صابرين آآآه يا شيخة والله أنا أنفع بس أتحط على الطريق الصح
اعتدل في جلسته ومط كتفيه وهو يتابع بثقة
نكمل بقى بقية الاسم يا مسهل
أكمل التهجئة قائلا بحذر
م.. ما .. ماء !
التوى ثغره وهو يقول مازحا
ماء مالي قلبت شبه الخروف أكيد هي حاجة تانية !
ابتلع ريقه وأكمل ببطء
م..ما..آآ.. س..ماس..آآ.. ماسهال !
حك جبينه وهو يغمغم بإستغراب
ماسهال ! دي جاية من إسهال ولا ايه ! اسم عجيب !! بس مش هايكون أغرب من بتاعي !
تقوس فمه بإبتسامة مغترة وهو يحدث نفسه
المهم إني جبته في الأخر حلاوتك يا مسعد وإنت مركز يا قاموس المفهومية يا متعلم !
مد يده ليدون على ورقة أخرى فارغة اسمها وهو يقول
مش ناقص غير أكتبه على الورقة دي بخط كبير عشان تشوفه الست لما تيجي !
شعر هو بإضطراب قليل في معدته نتيجة خوائها من الطعام فزفر بضيق
وده وقته ! أشوف الولية اللي جاية من برا الأول وبعد كده أكل المحشي وأحلي كمان !
نظر في شاشة هاتفه المحمول فوجد أن الوقت قد تجاوز المحدد بقليل فصاح بهلع
أوبا ده أنا شكلي سرحت على الأخر وإتأخرت عليها ربنا يستر وماتكونش جت !
ترجل من السيارة وركض مسرعا نحو الداخل وهو يحمل في يده الورقة المدون عليها اسمها ...
انتهت سابين من إجراءات الخروج وظلت تلوح بيدها محاولة الحصول على قدر من الهواء فالرطوبة عالية والجو شبه حار ومختلف تماما عن الجو بولاية أوهايو ..
ما أثار إنزعاجها حقا هو أسلوب المحيطين بها الفظ فالكل يتدافع للخروج دون إنتظار دوره ..
رمقتهم بنظرات ساخطة ولم تعقب ..
فهي لم تأت لإثارة المشاكل ..
تحركت بخطوات ثابتة نحو الممر المؤدي للخارج فاستمعت هي إلى صوت سباب لاذع وشتائم بغيضة من أحد الأشخاص الذين يحاولون المرور ..
حدجته بنظرات مستنكرة وتمتمت مع نفسها بضيق
أوغاد !
اتجهت بعدها إلى المنطقة الخاصة بإستلام حقائب السفر وسحبت حقيبتها ثم تفاجئت بمن تصدمها لتأخذ حقيبتها قبلها وهي تقول بحنق
حاسبي ياختي هي مش ناقصاكي إنتي كمان
فغرت سابين فمها مدهوشة من تصرف المرأة الوقح وكانت على وشك الرد عليها ولكن ألجم لسانها عبارتها التالية وهي تقول بإهانة صريحة موجهة إليها
بنات كسر وقيع جايين يلوفوا على رجالتنا هنا جتكم مصېبة تاخدكم كلكم نفخ وبلاستيك !
حذرتها سيدة أخرى واقفة بجوارها
دي أجنبية خدي
بالك
حدجتها تلك السيدة بنظرات إحتقارية وردت بعدم إكتراث
دي حمارة مش هاتفهم حاجة يالا بينا !
هزت سابين رأسها مستنكرة ما سمعته توا .. وسريعا ما تلاشت الصورة الوردية عن وداعة الأشخاص هنا ..
وقف مسعد في الخارج وإشرأب بعنقه لأكثر من مرة محاولا رؤية جميع من يخرج من بوابة المطار الداخلية ..
رفع الورقة التي بيده للأعلى وغمغم بصوت حاد
هي مجاتش ولا ايه أنا نافوخي ساح من الحر والجو ڼار !
خرجت سابين من المطار وبحثت بعينيها بدقة عن الضابط الذي من المفترض أن يكون في إنتظارها .. لكنها لم تجد أي أحد فقط أوجه غريبة محدقة بها وكأنها كائن فضائي ..
نظرت إلى هيئتها لتتأكد أنها لم ترتدي ما يدعو للشك ..
هي فقط ترتدي
متابعة القراءة
